تعبت من تفصيل سيرتك الذاتية كل مرة على قد الشغلانة اللي بتقدم عليها؟
حاسس إنك لو ما ألفتش كلام كبير صعب إنك تتقبل؟
فكرت قبل كده إيه شكل السيرة الذاتية للناس اللي بتشتغل في أماكن زي Google؟
نفسك تعرف إيه اللي ناقص السيرة الذاتية بتاعتك عشان تنطق وتبان من وسط مئات السير التانية؟

لو جاوبت ب”آه” على أي سؤال من دول، يبقى لازم تحضر الورشة دي!

ورشة كتابة السيرة الذاتية بطريقة مبتكرة وفي نفس الوقت مهنية.
الورشة عملية، يعني لازم تجيب معاك السيرة الذاتية بتاعتك عشان نشتغل عليها

هنتعرف على أسرار كتابة سيرة ذاتية مبتكرة – اللي مش لازم بالضرورة تكون مطبوعة!
الورشة هتتضمن كمان مبادئ التحضير للمقابلة الشخصية!

ورشة العمل هتقدمها أ/ نهى سالم (المديرة الإقليمية للعلاقات الجامعية بشركة Google)

الورشة هتكون بالعربي بس لازم تكون بتعرف إنجليزي (عشان كتابة السيرة الذاتية هيكون بالإنجليزي)
الرسوم: 150 جنيه مصري (للطلبة 50 جنيه مصري)

للحجز والتسجيل:
ابعت اسمك ورقم موبايلك على info@beytel7ayah.org
عنوان الرسالة: ورشة عمل السيرة الذاتية (مصر الجديدة)
وممكن ترفق السيرة الذاتية بتاعتك لو حابب إنها تكون من ضمن الأمثلة اللي هنشتغل عليها أثناء الورشة

العدد محدود وآخر موعد للتسجيل هو السبت 5 أبريل 2014